இறைவன் உடன் சேர்ந்து சித்தர்களும் நமக்கு ஆசிகள் வழங்குகிறார்கள்

தமிழ் நாட்டில் பல பிரலமான கோவில், மலைகள் உண்டு அங்கு இறைவன் நின்று மக்களுக்கு அருள் ஆசிகள் வழங்கிக்கொண்டு இருக்கிறார்கள். ஆனால் சதுரகிரியில் மற்றும் இறைவன் உடன் சேர்ந்து சித்தர்களும் நமக்கு ஆசிகள் வழங்குகிறார்கள் இந்த மலையில் தனித்துவம் பெற்ற ஒரு சில சித்தர்கள் இல்லாமல் பற்பல சித்தர்கள் ஒன்று கூடி இறைவனுக்கு தொண்டு செய்ய பவுர்ணமி, அமாவசை, மிகமுக்கிய நாள்களில் மலை வலம் வருவதுடன் நம்முடம் ஒன்றாக கலந்து இறைவனை தரிசிக்க வருகிறார்கள் வான்மீகி, கோரக்கர், கமல முனி, சட்டை முனி, அகத்தியர், கொங்கணர், தன்வந்திரி, பாம்பாட்டிச்சித்தர், ராமதேவர், இடைக்காட்டுச் சித்தர், திருமூலர், போகர், அழுமுணிச் சித்தர், காலாங்கி நாதர், மச்சமுனி போன்ற சித்தர்கள் சதுரகிரியில் வாழ்ந்து யோகத்தில் திளைத்தனர், வேள்விகள் செய்த மலை சதுரகிரி. இந்திரகிரி மலை, வருணகிரி மலை, குபேர கிரி, ஏம கிரி, என 4 மலைகளுக்கு மத்தியில் சிவ கிரி, பிரம்ம கிரி, விஷ்ணு கிரி, சித்த கிரி 4 மலைகளும் சேர்ந்த மலைபிரதேசம் சதுரகிரி, இவை மற்றும் இல்லாமல் மற்றும் ஒரு சிறப்பு பற்பல முலிகை வளம் கொண்ட பகுதி உலோகத்தை தங்கம்மாக மற்றும் முலிகையும் உண்டு. இளமையை தக்கவைத்துக்கொள்ள மாமருந்தும் இங்கு உண்டு, ஒளிரும் தாவரமும், பிணி நீக்கும் முலிகை இருக்கிறது.

சதுரகிரில் ஸ்ரீசுந்தர மகாலிங்கம், ஸ்ரீசந்தன மகாலிங்கம், ஸ்ரீ சுந்தரமூர்த்தி, பிலாவடி கருப்பர், ரெட்டை லிங்கம், பெரிய லிங்கம், பேச்சியம்மன், கருப்பண்ணசாமி, சிறப்பிக்கும்மிடம், நாம் கஷ்டங்கள் தொலைந்தயிடம், சோகங்கள் மறைந்தயிடம், துன்பங்கள் துறந்தயிடம், நமக்கு பற்பல செல்வங்கள் தரும்மிடன் சதுரகிரி மலை

சதுரகிரி மலையே சிவமாக இருப்பதால்

சதுரகிரி மலை ஏறுவது கடினமானது. மலையே சிவமாக இருப்பதால் பக்தர்கள் காலில் செருப்பு இல்லாமல் ஏறுவதை வழக்கமாகக் கொண்டுள்ளனர். மதுரையில் இருந்து வத்திராயிருப்புக்கு செல்லும் வழியிலுள்ள தாணிப்பாறை பிரிவில் (58 கி.மீ.,)இறங்கி, அங்கிருந்து சதுரகிரி மலை அடிவாரத்திற்கு பஸ் அல்லது ஆட்டோவில் (7கி.மீ.,) செல்ல வேண்டும். இங்கிருந்து மலையேற வேண்டும். மலையடிவாரத்தில் ஆசீர்வாத விநாயகரை வணங்கியபின் சிவசிந்தனையுடன் மலை யாத்திரையைத் தொடங்க வேண்டும். செல்லும் வழியில் ராஜயோக காளி, பேச்சியம்மன், கருப்பணசாமி கோயில்கள் உள்ளன. இதனை அடுத்து குதிரை ஊற்று, வழுக்குப்பாறைகள் வருகின்றன.

இந்தப்பாறைகளில் மழைக்காலங்களில் செல்வது கடினம். சிறிது தூரம் சென்றதும் அத்திரி மகரிஷி பூஜித்த லிங்கத்தை தரிசிக்கலாம். அடுத்து வருவது காராம் பசுத்தடம். இந்த இடத்தில் தான் சிவன் துறவி வேடம் கொண்டு காராம் பசுவின் மடுவில் பால் அருந்தியதாக வரலாறு. இதனையடுத்து கோரக்க சித்தர் தவம் செய்த குகையும், பதஞ்சலி முனிவரின் சீடர்கள் பூஜித்த லிங்கமும் உள்ளது. இந்த லிங்கத்தை தரிசிக்க வேண்டுமானால், ஆகாய கங்கை தீர்த்தத்துக்கு மேல் உள்ள விழுதுகளைப் பிடித்து தொங்கி ஏறித்தான் செல்ல வேண்டும். இது ஆபத்தான இடம். இங்கே குளிக்கவோ, தண்ணீர் எடுக்கவோ பக்தர்கள் முயற்சிக்கக் கூடாது.

இதையடுத்து இரட்டை லிங்கத்தை தரிசிக்கலாம். சற்று தூரத்தில் சின்ன பசுக்கடை என்ற பகுதியை கடந்தால் நாவல் ஊற்று வருகிறது. இந்த ஊற்று நீருக்கு சர்க்கரை நோயைக் குணமாக்கும் மகிமை இருப்பதாக கூறப்படுவதால், பக்தர்கள் இதைப் பருகுகிறார்கள். பின்னர், பச்சரிசிப்பாறை, வனதுர்க்கை கோயில், பெரிய பசுக்கிடை, பிலாவடி கருப்பு கோயிலைத் தரிசித்து, மகாலிங்கம் கோயிலை அடையலாம். மலையிலுள்ள 10 கி.மீ. தூரத்தை கடக்க 3 முதல் 4 மணி நேரம் வரை ஆகும்.